How to Write Post in Blogger Blog | Overview of Blogger Post Editor in Urdu / Hindi

Assalam o Alaikum.
Ap ko maloom hoga k ksi b blog k liye content boht zarori hota hai. Ham blog main content posts k zarye se add karty hain. Aj main ap ko blogger main new post karne k bary main detail se btaon ga.




How to Write Post in Blogger Blog | Overview of Blogger Post Editor in Urdu / Hindi

How to Write Post in Blogger Blog | Overview of Blogger Post Editor in Urdu / Hindi

Jab ham blogger main apne blog k liye aik post likhna chaty hain to ham Create a new post par click karty hain, pher hamare samny blogger post editor open hota hai. 

Aj main ap k liye aik new post ly kar aya hun. Es post mein main ap ko Blogger Post editor ka overview doun ga. Es post ko samjhne k bad apko Blogger post editor k har option aur settings ka pata chal jahe ga. post ko ghor se parhen. 

Post title:

Yahan ap apni post ka title likhty hain. Post title blog ki post ka aik important part hota hai. Post title se he pata chalta hai k post kis bary main hai. Post title ko SEO k mutabiq rakha jata hai. 

Compose/HTML : 

Blogger k compose mode main ap coding k bagher post likh sakty hain agar ap coding ko use kar k apni post write karna chaty hain to ap HTML par click kar k Coding kar sakty hain. 


Undo/Redo: 


Agar post main ap se koi ghalti ho gai hai to ap Undo par click kar k ghalti ko hata sakty hain. Agar ap se ghalti se Undo ho gya hai to ap Redo padr click kar k apni change ko wapas la sakty hain. 


Font Style: 


Font style main ap ko mukhtalif fonts diye gy hain jin ko use kar k ap apni post ko apni marzi ka style dy skty hain aur apni post ko khubsorat bana sakty hain. 


Font Size: 


Font size ko use kar k ap apni post k font size ko chota ya parha kar sakty hain. Yahan ap ko apne post ko smallest, small, normal, large aur extra lage k options milen gy. 

Heading: 

Aik blog post main heading ka boht important role hota hai. Headings reader k liye post ko karne main asani paida karti hain aur SEO main b kafi help karti hain.
Yahan ap ko heading dene k liye Heading, Subheading aur Minor Heading k options milty hain, agar ap ko baki content likhne hai to ap ko normal ko select karna hota hai. 


Bold Italic Underline Strikethrough: 


“Bold” ko use kar k ap apne text ko “bold” kar sakty hain. “Italic” ko use kar k ap apne text ko “Italic” kar sakty hain. “Underline” ko use kar k ap apne text ko “Underline” kar sakty hain. “Strikethrough” ko use kar k ap apne text ko “Strikethrough “kar sakty hain. 

Text color: 

Text color ko use kar k ap apni post k text ka color change kar sakty hain, 

It is Example... 


Background color: 

Background color ko use kar k ap apni post k text ka Background color change kar sakty hain. 
It is Example... 

Link: 


Aik blog post main link boht important hoty hain. Hamin post main links deny party hain. Wo links jo ap apni he website k bnaty hain wo internal links kehlaty hain. Jo links ap baki websites par jany k liye bnty hain, on ko external links kaha jata hai. Blogger post main link banany k liye text ko select kia jata hai. Pher link par click kar k URL diya jata hai aur tags ko jis tra ap chahen use kia jata hai. Ap es ko use kar k email ka link b bna sakty hain. 

Add Images: 

Blog ki post main jab hamin image ki zrorat parti hai to ham add image par click karty hain to hamry samny image se related options a jaty hain. Yahan par hamin images add karne k liye Upload, From This blog, From Google album archive, From Mobile Phone, From Your webcam aur From a URL k options milty hain. Ap in main se ksi ko b use kar k image ko apni post main add kar sakty hain. Mazeed detail k liye main apko suggest karon ga ka ap es post ki video ko aik bar zror daikh lain. Es se ap ko kafi kuch information mily gi. 


Add a Video: 

Add a video par click kar k ap apni post main video add kar sakty hain. Ap apne computer se video ko upload kar sakty hain aur YouTube se b video ko la sakty hain. Es par mery Youtube channel par ap ko video mil jahy gi.


Insert Special Characters: 


Google ne blogger k post editor mein hamin Special Characters add karne k liye b aik option diya howa hai, es ki kbhi kbhi hamin zrort par jati hai. Ap es option ko use kar k symbol ko post main add kar sakty hain. 


Insert Jump break: 


Blogger k post editor mein hamin aik option jump break ka b milta hai. Es ko use karne se hamen post main “read more” mil jata hai. Jis se blog ki speed achi rehti hai. 


Alignment: 


Aap es option ko use kar k apni post k text ko align kar sakte hain. Yahan ap ko align karne k liye four option “Right, Center, Left aur Justify” milte hain, jo normally har aik text editor software main mil jate hain.

Numbering & Bullets: 

Ye ap sab ko pata hoga k kbhi kbhi hamin list banani hoti hai, to es k liye Numbering k option ko use kar ka aap list ko numbers dy sakte hain aur Bullets ko use kar k ap list ko style dy sakte hain. 


Quote

Jab hamin blog main koi specials lines likhni hoti hain to ham es option ko use karty hain. Es se hamari post ki Quote wali lines unique aur achi lagti hain. 



Remove Formatting: 

Jab hamin post main ksi part ki formating remove karni hoti hai to ham os part ko select kar k es par click karty hain, es se os part ki formating remove ho jati hai. 


Spelling: 


Ye option ap ki post main spellings ko check karne k liye use kia jata hai. 

Labels: 

Labels ko istamal kar k ham post ki category btate hain. Ye seo k point of view se b important hote hain. Agar aik post 2 se 3 labels se relate kar rahi ho to ham har label k bad aik comma ka istamal karte hain. 


Schedule: 


Agar ap post ko publish karne ka aik time set karna chaty hain to ap schedule ko use kar sakte hain. Es se post ap k btaye howe time par publish ho jahe gi. 


Permalink: 


Ye setting SEO k lehaz se very important setting hai. Es ko use kar k ap apni post k link ko SEO optimize kar sakte hain. 


Location: 


Blogger main hamin post k location ka be aik option diya gya hai jis ko use kar k ap post ki location set kar sakte hain 


Search Description:


Ye setting b SEO k hawale se boht important setting hai. Es ko use kar k ap apni post k bary main btate hain k ap ki post kis hawale se hai. Ye setting by default post editor main ni hoti balky es k liye ap ko pehly setting main ja kar es ko enable karna hota hai. 




Options: 



Options main ek setting important hai. Jab ap ksi page ya post main comments hasil nahe karna chate to ap reader comments main Don’t allow par check laga dain. Pher os post ya page main koi b comment ni kar sakta. 


Custom Robots Tags: 


Ye setting b pehly enable karni hoti hai. Es k zariye seach engines ko btaya jata hai k es post ya page ko index kare ya na kare. 


Publish Save Preview Close: 


Post editor k top right corner main four option hote hain. Post ready hone k bad publish karne k liye publish par click kia jata hai. Agar post ko drafts main dalna hai to save par click karty hain. Agar ap post ko preview karna chaty hain to preview par click kar k ap post ko daikh sakty hain. Blogger post editor ko close karne k liye close par click kia jata hai. 

Main apko recommend karta hun k ap aik bar ye video zror daikh lain. 




Umeed karta hun k apko blogger post editor k har option ka pata chal gya hoga. Agar ap ka blogger post editor ka bary main koi question hai to comment main poch sakte hain. Agar ap k liye ye post helpful rahi hai to es ko social media par zror share Karin. Es se baki logon ko b knowledge mile gi. Youtube channel aur blog ko b subscribe kar lain ta k ap ko hamri next post ka notification mil jahy. 


How to Write Post in Blogger Blog | Overview of Blogger Post Editor in Urdu / Hindi How to Write Post in Blogger Blog | Overview of Blogger Post Editor in Urdu / Hindi Reviewed by Shakeel Qureshi on August 05, 2019 Rating: 5

No comments:

Powered by Blogger.