Blog kia hota hai? Blogging kia hai? Bloggers kon hoty hain?

Assalam O Alaikum, Friends agar ap internet use karty hain aur kafi arsy se use kar rahy hain to ap ne kbi na kabi “blog” ya “weblog” ki term zror suni hongi. Ap ne boht se logon se suna hoga k “Main Aik Blogger hun” ya “Main blogging karta hun” ya ye suna hoga k “Mera aik Blog hai”. Aj ki es post main ham ye he btany waly hain k akhar Blog kis cheez ka naam hai. Main umeed karta hun k ap es post ko parhen gy to ap ki knowledge main izafa hoga.

Jab kbi ap ko internet par ksi topic ya subject k bary main koi information chaye hoti hai to ap google par search karty hain. To google search results main ap k samny boht se URLs a jate hain. Wo URL ksi blog ka b ho sakta hai ya ksi website k b ho sakta hai, jin par ap click karty ho to ap aik website ya blog par chaly jaty ho. Ye depend karta hai k aap ki search se related content ksi k blog par mojod hai ya ksi business ki ya ksi aur purpose k liye bnai gai website par mojod hai.

What is blog? What is Blogging?

What is blog? What is Blogging?


Blog ki defination kuch es tarah se ki jati hai.
“a regularly updated website or web page, typically one run by an individual or small group, that is written in an informal or conversational style”
Yani k aisi website ya web page jo daily ya weekly basic par update hote rehte hain. On k contents bat cheet k style main hote hain. Example k liye ap mera blog aur ye post samjh lain.

Difference Between Blog and Website

Internet par sari websites ko ap blog ni keh sakty. Esi tra sary blogs ko b ap complete website ni keh sakte. Aik website par ap boht se blog bna sakte hain. Magar blog sirf aik he blog ho sakta hai.

Blog asal main website ka he aik hisa hota hai ya pher ap youn b keh sakty hain k blog aik choti c website he hoti hai.

Es main difference ye hota hai k blog main daily ya weekly basis par new posts hoti rehti hain ya pher update hoti rehti hain. Jab k zyada tar websites main jaldi koi new update ni hoti. Website main tab he kabi koi changing ati hai jab koi new service start karni ho ya pher address, contacts etc main koi changing karni ho. Kuch website aisi hoti hain jin main roz kuch na kuch changing hoti hai. In main social websites jin ki example Facebook aur Twitter etc hain. Kuch websites e-commerce ki hoti hain. Jaise Amazon, Daraz.pk aur ebay etc hain. In main roz changing hoti hain. Magar ye websites hain ham in ko blog ni keh sakty. Aj ki post mein ham zyada deep main ni jaty. Pher ksi post main ham website aur blog main difference ko discuss karin gy.

Ab hum apne main topic ki traf wapas aate hain.

Blogging kya hoti hai?

Farz karty hain k ap ne aik blog bna liya hai. ab ap ko s ko manage karna hai. Es ki designing karni hai, Es ki SEO (Search Engine Optimization) karni hai, Es main roz posting karni hai, etc. To ap jo ye kam karin gy es ko blogging kehte hain.

Blogger kon hota hai?

Jo person blog ko manage karta hai. Yani k blogging karta hai os ko blogger kaha jata hai. Aik blog ko aik blogger b run kar sakta hai. Ya pher aik se zyada bloggers b mil k aik blog ko chalate hain.

Blogging ka kia faida hota hai? 


Waise to Blogging k boht faide hain. Yahan main apko blogging k kuch faidy bta deta hun. Yahan main short short btaon ga.
  1. Blogging ka sab se bra faida ye hai k ap apni thoughts, opinion aur feelings ko dunia k sath share kar sakte ho.
  2. Ap ki personality bright hoti hai. Ap famous ban sakte ho.
  3. Ap ki knowledge main izafa hota hai.
  4. Apki communication skills main nikhar aata hai.
  5. Ap blogging se kafi paise kama sakty ho. Boht se bloggers lakhon k hasab se monthly earn kar rahy hain. Es par main aik post likh doun ga.

Final Words:

Blogging k aur b boht se faidy hain main ne yahan short short sa bta diya hai. Umeed karta hun k apko samjh a gai hogi aur ye post achi lagi hogi. Comment kar k zror btaye ga.
Please es post ko social media par share kar dain, mery youtube channel ko b subscribe kar lain aur sath sath newsletter ko b subscribe kar lain. Es se apko ko free main updates milti rahen gi.
Blog kia hota hai? Blogging kia hai? Bloggers kon hoty hain? Blog kia hota hai? Blogging kia hai? Bloggers kon hoty hain? Reviewed by Shakeel Qureshi on August 05, 2019 Rating: 5

No comments:

Powered by Blogger.